23 ноябри соли 2021 Вазорати рушди иқтисод ва савдо дар ҳамкорӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо дастгирии техникии Барномаи рушди СММ дар Тоҷикистон ҷаласаи нахустини Гуруҳи кории байниидоравӣ “Ҳифзи иҷтимоӣ” дар доираи Шӯрои миллии рушди назди Президенти Ҷумҳурии Тоҷикистонро баргузор намуд.
Дар ҷаласа аъзои Гуруҳи кории байниидоравӣ бо нақши Шӯрои миллии рушди назди Президенти Ҷумҳурии Тоҷикистон ҳамчун платформаи таҳияи сиёсати умумии рушди устувор, вазифа ва функсияҳои Гурӯҳи корӣ, ки намояндагони мақомоти давлатӣ, шарикони рушд, бахши хусусӣ ва созмонҳои ҷамъиятиро дар бар мегирад, шинос шуданд.
Иштирокчиёни нахустҷаласаи Гуруҳи кории байниидоравӣ масъалаҳои таъмини низоми ҳифзи иҷтимоӣ, афзалияти стратегии сиёсати иҷтимоии Ҷумҳурии Тоҷикистон инчунин дастоварду мушкилоти Вазорат дар самти татбиқи Барномаи миёнамуҳлати рушди Ҷумҳурии Тоҷикистон барои солҳои 2016-2020 ва дигар барномаҳои соҳавиро дар ҳошияи Ҳадафҳои рушди устувор (ҲРУ) муҳокима намуданд.
Корҳои анҷомдодашуда ва дарпешистода оид татбиқи лоиҳаи тадқиқотӣ дар самти таъмини дастрасӣ ва иштироки одамони имконияташон маҳдуд дар соҳаи тандурустӣ, ҳифзи иҷтимоӣ, дастрасӣ ба воситаҳои зиндагӣ ва эҷоди стандартҳои дастрасӣ дар Тоҷикистон, ки дар ҳамкорӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон гузаронида мешаванд, муаррифӣ гардиданд. Таҳқиқот шарҳи системаи мавҷудаи тандурустӣ ва ҳифзи иҷтимоӣ, ошкорнамоии дарки мушкилоти аслие, ки бо онҳо одамони имконияташон маҳдуд рӯ ба рӯ мешаванд, дар бар мегирад.
Илова бар ин, иштирокчиёни нахустҷаласа имконияти шиносоӣ бо таҳқиқоти ноҳияи Рӯдакии Ҷумҳурии Тоҷикистон, ки аз ҷониби СУТ дар самти муайяннамоии фоизи одамон бо нуқсонҳои функсионалӣ ва талабот ба дастгоҳҳои ёрирасон ва ҳамчунин, қонеънамоии ниёзи онҳо гузаронида шуда буд, шиносоӣ пайдо намуданд. Таҳқиқот нишон дод, ки ба ҳисоби миёна 24,6% пурсидашудагон дар яке аз самтҳои функсионалӣ ҳадди аққал каме мушкилот доранд, ки 6,9% онҳо эҳтимолан ба як дастгоҳи ёрирасон эҳтиёҷ доранд, аммо имкони харидории онро надоранд. Дар натиҷаи пурсиш СУТ тавсияҳо оид ба фарогирии умумии тандурустиро бо назардошти таъмини дастгоҳҳои ёрирасон таҳия намуд, ки дар рафти ҷаласа пешниҳод карда шуданд.
Дар рафти ҷаласа низоми мониторинг ва арзёбии Барномаи миёнамуҳлати рушди Ҷумҳурии Тоҷикистон барои солҳои 2021-2025 муаррифӣ гашта, фарқияти асосии он аз низоми мониторинг ва арзёбии Барномаи миёнамуҳлати рушди Ҷумҳурии Тоҷикистон барои солҳои 2016-2020, ҳамчунин ҳамгироии ҲРУ дар таҳияи барномаҳои соҳавӣ муҳокима шуданд.
Дар анҷоми ҷаласа модули омӯзишӣ барои тақвияти иқтидори аъзои Гуруҳи корӣ гузаронида шуд, ки то 24 ноябри идома ёфт. Ҳадафи асосии модули омӯзишӣ ба иштирокчиён таълим додани асосҳои банақшагирии стратегии соҳавӣ, сафарбарнамоии захираҳо, инчунин низоми мониторинг ва арзёбӣ дар соҳаи ҳифзи иҷтимоӣ мебошад.
